უკრაინის თავდაცვის მინისტრის მოადგილე ვლადიმირ გავრილოვი ამბობს, რომ ომი უკრაინაში გაზაფხულის ბოლოს დასრულდება. ამის შესახებ მან Sky News-თან ინტერვიუში ისაუბრა.

გავრილოვს მიაჩნია, რომ უკრაინის ძალები ყირიმში,შესაძლოა, დეკემბროს ბოლომდე დაბრუნდნენ.

ამასთან, მან აღნიშნა რომ რუსეთის მხრიდან ბირთვული შეტევის ალბათობა დაბალია. გავრილოვი დარწმუნებულია, რომ ის {ბირთვული მუქარა} არ წარმოადგენს საფრთხეს, რომელიც უკრაინის შეიარაღებულ ძალებს შეაჩერებს ტერიტორიების გათავისუფლებისათვის ბრძოლაში.

„უკრაინულ საზოგადოებაში არის გადაწყვეტილება, რომ ბოლომდე ვიბრძოლებთ“, - თქვა გავრილოვმა.

მანამდე, უკრაინის თავდაცვის მინისტრმა ოლექსეი რეზნიკოვმა განაცხადა, რომ 2022 წლის ბოლომდე უკრაინელებს კარგი ახალი ამბები ექნებათ ფრონტზე არსებული ვითარების შესახებ, მაგრამ როდის დასრულდება ომი, ამის თქმა არ შეუძლია.