ბრიტანეთის პრემიერ-მინისტრი რიში სუნაკი კიევში ჩავიდა
დიდი ბრიტანეთის პრემიერ-მინისტრი, რიში სუნაკი კიევში ჩავიდა. ინფორმაციას უკრაინის პრეზიდენტი ვოლოდიმირ ზელენსკი სოციალურ ქსელში ავრცელებს.
როგორც ზელენსკი წერს, ორი ქვეყნის ლიდერმა შეხვედრაზე უკრაინისა და გლობალური უსაფრთხოების საკითხები განიხილეს.
"ომის პირველივე დღეებიდან უკრაინა და დიდი ბრიტანეთი ყველაზე ძლიერი მოკავშირეები არიან.
დღევანდელი შეხვედრის ფარგლებში განვიხილეთ, როგორც ჩვენი ქვეყნებისთვის, ასევე გლობალური უსაფრთხოებისთვის უმნიშვნელოვანესი საკითხები. ერთად უფრო ძლიერები ვართ და მივაღწევთ სასურველ შედეგებს", - წერს ზელენსკი.
