ამერიკის თავდაცის მდივანმა ლოიდ ოსტინმა, რომელიც ვიზიტით კანადაში იმყოფება, განაცხადა, რომ რუსეთის შეჭრამ  დასავლეთს შესაძლებლობა მისცა დაენახა ტირანიისა და ქაოსის სამყარო და საფრთხის ქვეშ დააყენა ბირთვული იარაღის გაუვრცელებლობის პრინციპები.

„რუსეთის შეჭრა შესაძლებლობას გვაძლევს დავინახოთ ტირანიისა და ქაოსის შესაძლო სამყარო, რომლშიც ცხოვრების სურვილი არცერთ ჩვენგანს არ ექნებოდა. ამის გარდა, ეს არის მიპატიჟება მომავალში - სულ უფრო არასტაბილურ მომავალში, რომელიც ბირთვული იარაღის გავრცელების ჩრდილითაა მოცული. იმიტომ, რომ სხვა ავტოკრატები, პუტინის კოლეგები აკვირდებიან და სრულიად შესაძლებელია დაასკვნან, რომ ბირთვული იარაღის ფლობა მათთვისაც იქცეს ნადირობის ლიზენციად“, - განაცხადა ოსტინმა.

ბრძოლის ველზე რუსეთის ქმედებებთან დაკავშირებულ შეკითხვაზე, ოსტინმა განაცხადა: „ომს აქვს წესები. და თუ  დიდ სახელმწიფოს შეუძლია მისი დარღვევა, სხვებსაც უბიძგებს საერთაშორისო სამართლისა და ნორმების დარღვევისკენ“.

 „რუსეთი არამხოლოდ აწარმოებს აგრესიულ ომს, ის მინაზმიმართულად ბომბავს სამოქალაქო ობიექტებს,  რაც სამხედრო თვალსაზრისით გაუმართლებელია.. ეს არ არის უბრალოდ ერთჯერადი მოვლენა. ეს არ არის გამონაკლისი ზოგადი წესიდან. ეს სისასტიკეა“, - განაცხადა ოსტინმა.