ხერსონის ოკუპაციის დროს, რუსი ოკუპანტები თავიანთი დაღუპული სამხედროების ცხედრები ქალაქის განაპირას, ნაგავსაყრელზე გაჰქონდათ, სადაც, სავარაუდოდ, წვავდნენ. ამის შესახებ ინფორმაციას The Guardian ადგილობრივ მოსახლეობაზე დაყრდნობით ავრცელებს.

ხერსონის მცხოვრებლებთა თქმით, მათ ოკუპანტებმა ნაგავსაყრელთან მიახლოება აუკრძალეს და ტერიტორია შემოსაზღვრეს.

ადგილობრივების თქმით, ხედავდნენ, როგორ მიდოდიდნენ რუსების სატვირთო მანქანები ნაგავსაყრელთან შავი ტომრებით, რომლებსაც შემდეგ წვავდნენ, რის შემდეგაც ტერიტორია კვამლით იფარებოდა და საშინელი სუნი დგებოდა.

ხერსონელები ამბობენ, რომ ამ ფორმით რუსები ანადგურებდნენ თავიანთი სამხედროების ცხედრებს, რომლებიც ზაფხულში მძიმე ბრძოლების დროს დაიღუპნენ. თუმცა ზოგიერთი ადგილობრივი განმარტავს, რომ ცხედრები არ უნახავთ.

გამოცემა აღნიშნავს, რომ ჯერჯერობით არ შეუძლია დამოუკიდებლად დაადასტუროს არსებული ინფორმაცია. ამასთან, უკრაინის ხელისუფლება კომენტარს არ აკეთებს ამ ფაქტთან დაკავშირებით.

თუმცა The Guardian წერს, რომ ნაგავსაყრელზე ამ დრომდე ყრია რუსული დროშები, ფორმები და ჩაფხუტები.