კრემლში აცხადებენ, რომ კიევ-პეჩერის ლავრაში ჩხრეკა რუსულ მართლმადიდებლობასთან ომია.

„უკრაინის უსაფრთხოების სამსახურის მიერ კიევ-პეჩერის ლავრის ტერიტორიაზე ჩატარებული ჩხრეკა და სხვა საგამოძიებო მოქმედებები უნდა განვიხილოთ ომის კონტექსტში, რომელსაც უკრაინა დიდი ხანია, აწარმოებს რუსეთის მართლმადიდებლურ ეკლესიასთან,“ – განაცხადა რუსეთის პრეზიდენტის პრესმდივანმა, დიმიტრი პესკოვმა.

"რეალურად, უკრაინული მხარე დიდი ხანია, იბრძვის რუსეთის მართლმადიდებლურ ეკლესიასთან. მე ვიტყოდი, რომ ეს უნდა განიხილებოდეს, როგორც მორიგი რგოლი რუსეთის მართლმადიდებლობის წინააღმდეგ ამ სამხედრო მოქმედებების ჯაჭვში,” – თქვა პესკოვმა.

უსაფრთხოების სამსახურში აცხადებენ, რომ პოლიციასა და ეროვნულ გვარდიასთან ერთად მიმდინარეობს კონტრდაზვერვითი ღონისძიებები, რაც მიზნად ისახავს წინააღმდეგობის გაწევას უკრაინაში რუსეთის სპეცსამსახურების ძირგამომთხრელი საქმიანობისთვის.

უწყების განცხადებით, ღონისძიების მიზანია, დაადგინოს, ხომ არ გამოიყენება უკრაინის მართლმადიდებლური ეკლესიის ნაგებობები დივერსიულ-სადაზვერვო ჯგუფების, უცხოელი მოქალაქეების იარაღის თავშესაფრად. ასევე პროვოკაციებისა და ტერორისტული აქტებისგან მოსახლეობის უსაფრთხოების უზრუნველსაყოფად.