გერმანიის კანცლერი ოლაფ შოლცი აცხადებს, რომ ომი უკრაინაში, სავარაუდოდ, მალე არ დასრულდება. მისი თქმით, გერმანია ესკალაციისთვის მზად უნდა იყოს, მისივე თქმით, რუსეთი გააგრძელებს სამოქალაქო ინფრასტრუქტურის განადგურებას.

ბერლინში, გამოცემა Süddeutsche Zeitung-ის მიერ ორგანიზებულ ეკონომიკურ კონფერენციაზე, შოლცმა განაცხადა, რომ რუსეთის უკრაინაში შეჭრა გახდა გაკვეთილი, რის ფონზეც გერმანიის შეიარაღებული თავდაცვითი მარაგების გასაზრდელად 100 მილიარდი ევრო გამოიყო.

ფრონტზე მარცხის შემდეგ რუსეთის პრეზიდენტმა ვლადიმირ პუტინმა უკრაინის სამოქალაქო ობიექტების დაბომბვის ბრძანება გასცა.

რუსეთის არმიამ უკვე განახორციელა რამდენიმე მასირებული დარტყმები უკრაინის ინსფრასტრუქტურის წინააღმდეგ, რის შედეგად მწყობრიდან გამოვიდა უკრაინის ენერგოსისტემის თითქმის ნახევარი.