გერმანიის კანცლერი ოლაფ შოლცი აცხადებს, რომ უკრაინის წინააღმდეგ რუსეთი ვერ გაიმარჯვებს.  

Spiegel-ის ინფორმაციით, შოლცმა ამის შესახებ კოტბუსში, გერმანიის სოციალ-დემოკრატიული პარტიის სხდომაზე განაცხადა.

„გერმანიის მხრიდან უკრაინისადმი მხარდაჭერის გათვალისწინებით, სულ უფრო ცხადი ხდება, რომ „რუსეთმა არამხოლოდ არ უნდა მოიგოს ეს ომი, არამედ ვერც მოიგებს მას“, - თქვა შოლცმა.

შოლცმა ასევე დაადასტურა თავისი დაპირება, რომ უკრაინას დაეხმარება იმდენ ხანს, რამდენიც დასჭირდება. მან ხაზი გაუსვა, რომ გერმანია უკრაინას ფინანსურად და ჰუმანიტარულად ეხმარება, ასევე იარაღით ამარაგებს უკრაინის შეიარაღებულ ძალებს.