რუსი ოკუპანტების ცეცხლის შედეგად უკრაინაში 32 ათასამდე სამოქალაქო და 700-ზე მეტი კრიტიკული ინფრასტრუქტურის ობიექტი დაზიანდა. ამის შესახებ შინაგან საქმეთა მინისტრის მოადგილემ ევგენი ენინმა ტელემარათონის დროს განაცხადა.

„როგორც ტერორისტებს სჩვევიათ, მათ მიზანში აქვთ სამოქალაქო ობიექტები. დღეისათვის 32 ათასამდე ასეთი ობიექტია, რომლებსაც რუსული ჭურვები მოხვდა. ეს არის მშვიდობიანი მოსახლეობის კერძო ან მრავალბინიანი სახლები. დაფიქსირებული დაბომბვების სამიზნეების მხოლოდ 3% არის სამხედრო ობიექტი.

რუსების სამიზნეებად რჩება ასევე კრიტიკული მნიშვნელობის ინფრასტრუქტურის ობიეტქები. დღეის მგომარეობით დაფიქსირებულია 700-ზე მეტი კრიტიკულად მნიშვნელოვანი ინფრასტრუქტურა - ეს არის აეროდრომები, ხიდები, ნავთობბაზები, ელექტრო ქვესადგურები და ა. შ. რომლებიც ორკების დარტყმების ქვეშ მოექცნენ“, - თქვა ენინმა.

ენინმა აღნიშნა, რომ რუსები „ამ დრომდე შეპყრობილები არიან სიბნელეში უკრაინის ჩაძირვის მანიაკალური სურვილით და არ არსებობს საფუძველი ფიქრისა, რომ ისინი გაჩერდებიან“.

„ჩვენ შესაძლოა, საკმაოდ მძიმე დღეები გველოდეს, მაგრამ მთავრობა ემზადება და ვიცი, რომ უკრაინელების დიდი უმრავლესობა ასევ ემზადება ამ შეტევებისთვის, ჩვენ ვერ გაგვტეხენ“, - განაცხადა ენინმა.

მისივე ინფორმაციით, დღეს უკრაინის 7 რეგიონის 524 დასახლებულ პუნქტს ელექტრომომარაგების მხრივ სირთულეები აქვთ, მათ ნაწილს ელექტროენერგია საერთოდ არ აქვს, ნაწილს კი შეზღუდულად მიეწოდება.