რუსმა ოკუპანტებმა დონეცკის რეგიონში ბახმუტიდან სამხრეთით წინ წაიწიეს, თუმცა მათი განცხადებები „წარმატების“ შესახებ გადაჭარბებულია, რადგან ისინი ქალაქის ალყაში მოქცევას მაინც ვერ შეძლებენ.

როგორც ამერიკის ომის შემსწავლელი ინსტიტუტის (ISW) ანალიტიკოსები იუწყებიან, გეოლოკაციური ფოტოები აჩვენებს, რომ რაშისტებმა, სავარაუდოდ, დაიკავეს ბახმუტიდან სამხრეთ-დასავლეთით 15 კმ-ში მდებარე სოფელი - ოზარიანოვკა. რუსულმა მედიამ კი უკვე გაანცხადა, რომ მთ თითქოს ქალაქთან მდებარე რამდენიმე დასახლება დაიკავეს.

რუსეთში აცხადებენ, რომ მათ თითქოს „აიღეს“ კურდიუმოვკა, კლეშიევკა, ანდრეევკა, ზელნოპოლიე, პოდგოროდნეე და სპორნოე. ოკუპამტები, თავიანთ „წარმატებებზე“ საუბრისას, აცხადებენ, რომ ბახმუტის „ალყაში მოქცვას“ შეძლებენ, თუმცა მსგავსი განცხადებები სიცრუეა.

 „ამ დროისათვის, ღია წყაროებიდან არ არსებობს რაიმე მტკიცებულება იმისა, რაც ამ ინფორმაციებს დაადასტურებს, რუსული წყაროები აქტიურად ავრცელებენ ცრუ განცხადებებს ბახმუტთან წარმატებების შესახებ საინფორმაციო ოპერაციის ფარგლებში, რომელიც ოქტომბრიდან გრძელდება. ცოტა ხნის წინ გამოთქმული უსაფუძვლო ტერიტორიული პრეტენზიები, შესაძლოა, იყოს ამ განგრძობადი საინფორმაციო ოპერაციის ნაწილი“, - აღნიშნავენ ISW-ში.

ანალიტიკოსების მონაცემებით, იმ შემთხვევაშიც კი თუ ოკუპანტებმა ზემოთხსნებული სოფელი მართლაც დაიკავეს, ეს მაინც არ შეუქმნის საფრთხეს ბახმუტი-სევერსკისა და ბახმუტი-კონსტანტინოვკის მაგისტრალებს, რომლებიც მნიშვნელოვანია უკრაინის შეიარაღებული ძალებისთვის. ამის გარდა, არსებობს სხვა მაგისტრალებიც, რომლებიც ბახმუტს დასავლეთითა და ჩრდილოეთით მდებარე უახლოეს სოფლებთნ აკავშირებს.

უკრაინული მედიის ინფორმაციით, გუშინ, 28 ნოემბერს, უკრაინის არმიის აღმოსავლეთ დაჯგუფების წარმომადგენელმა სერგეი ჩერევატიმ განაცხადა, რომ ბახმუტი ბრძოლის მთავარ ეპიცენტრად რჩება. მტერი დღეში, მის წინააღმდეგ საშუალოდ 180-200 საარტილერიო დარტყმას ახორციელებს. ოკუპპანტები დონბასზე ათობით შტურმის განხორციელებას ცდილობენ, სიტუაცია ძალიან რთულია. თუმცა უკრაინის ძალები მტერს მედგარ წინააღმდეგობას უწევენ. ამასთან, გუშინ ცნობილი გახდა, რომ უკრაინის ძალებმა ოკუპანტების ჯგუფი გაანადგურეს და ბახმუტთან საბრძოლო პოზიციები დაიკავეს.