„გირჩის” დეპუტატმა, ვახტანგ მეგრელიშვილმაც განაცხადა, რომ სურს საკუთარი კანდიდატურა წამოაყენოს „ნაციონალური მოძრაობის“ თავმჯდომარის პოსტის დასაკავებლად. იმდენს იზამს ეს ხალხი, რომ ისე გავბრაზდები, ავდგები და ჩემს კანდიდატურას წამოვაყენებ „ქართული ოცნების” თავმჯდომარეობაზე, ამით ხომ ნამდვილად ეშველებოდა ქვეყანას, – ამის შესახებ „ნაციონალური მოძრაობის“ წევრი რომან გოცირიძე სოციალურ ქსელში წერს.

მანამდე "გირჩის" დეპუტატმა ვახტანგ მეგრელიშვილმა განაცხადა, რომ „ნაციონალური მოძრაობის“ თავმჯდომარეობა მასაც სურს. "სერიოზულად რომ შეხედონ ამ საქმეს, მართლა წარვდგებოდი გეგმით, რომლითაც ეს პარტია ბევრად ეფექტური იქნებოდა“, - თქვა მეგრელიშვილმა.