ქართული ოცნების თავმჯდომარე, ირაკლი კობახიძე ეხმიანება ჩეხეთის ელჩის, პეტრ მიკისკას განცხადებას, რომ 2022 წლიდან ჩეხეთიდან საქართველოში ექსპორტი თითქმის გაორმაგდა და ამ პროდუქციის დიდი ნაწილი რუსეთში მიდის.

კობახიძე ამბობს, რომ თუ "ელჩმა ასეთი რამე ნამდვილად თქვა", ამას დიპლომატიური რეაგირება მოჰყვება.

"არ ვიცი, პირველად მესმის ეს განცხადება, მაგრამ თუ ეს განცხადება გაკეთდა, მართლა წარმოუდგენელია, ასეთი განცხადებები თავის დროზე გვაქვს მოსმენილი უკრაინის ხელისუფლების მხრიდან და მერე თვითონ მოუწიათ ამის უარყოფა და ყველამ უარყო აბსოლუტურად ასეთი რამ, თუ ასეთი განცხადება გაკეთდა. რეაგირება გვექნება. თავის დროზე ჩვენ რეაგირება მოვახდინეთ უკრაინის მაღალჩინოსნების განცხადებებზე და მათ მოუწიათ ამის უკან წაღება, ამ შემთხვევაშიც ასეთი რეაქცია გვექნება, თუ ეს განცხადება გაკეთდა. დიპლომატიური რა თქმა უნდა, მეტი რა უნდა გავაკეთოთ, დიპლომატიური რეაგირება ელჩის მიმართ".- ამბობს კობახიძე.

შესაბამისი განცხადება ჩეხეთის ელჩმა 30 ნოემბერს, არასამთავრობო ორგანიზაცია "თავისუფალი რუსეთისა" და ლიეტუვის საელჩოს ორგანიზებულ ღონისძიებაზე განაცხადა.