{ოკუპირებულ აფხაზეთში}დუმის სპიკერის ჩასვლა მეათეხარისხოვანია იმასთან შედარებით, რაც სააკაშვილმა და პუტინმა, მედვედევმა ჩაიდინეს საქართველოსთან მიმართებით, - ამის შესახებ პარლამენტის პირველმა ვიცე-სპიკერმა გია ვოლსკიმ განაცხადა.

მისი თმით, ოპოზიცია ხავსს ეჭიდება, ის წარმოადგენს პოლიტიკურ ძალას, რომელმაც ხელში ჩაუგდო რუსეთს, ოკუპანტს არა მხოლოდ საქართველოს ტერიტორიები, არამედ სტრატეგიული ობიექტები და გაყიდა საქართველოს ინტერესები, მიჰყიდა რუსეთის ოლიგარქიას

„ეს არის სამწუხარო რეალობა და ახლა დუმის დეპუტატი ჩავიდაო. აფხაზეთში პუტინია ნამყოფი, რუსეთის საგარეო საქმეთა მინისტრი და უამრავი დანაშაულია ჩადენილი ამ ტერიტორიაზე. დუმის სპიკერის ჩასვლა მეათეხარისხოვანია იმასთან შედარებით, რაც სააკაშვილმა და პუტინმა, მედვედევმა ჩაიდინეს საქართველოსთან მიმართებით იმ პერიოდში. იმ დანაშაულს ვერ გადაფარავენ, რაც ოკუპანტი ქვეყანა სჩადის საქართველოს მიმართ“, – განაცხადა გია ვოლსკიმ.

ოპოზიციონერმა დეპუტატმა თეონა აქუბარდიამ განაცხადა, რომ რუსეთი აგრძელებს საქართველოს სუვერენიტეტის და ტერიტორიული მთლიანობის წინააღმდეგ ნაბიჯების გადადგმას, რისი მორიგი დემონსტრირებაც იყო 1-ელ დეკემბერს ოკუპირებულ აფხაზეთში რუსეთის სახელმწიფო დუმის სპიკერის ვიაჩესლავ ვოლოდინის ვიზიტი.