რუსი მილიარდერი მიხაილ ფრიდმანი ფულის გათეთრების ბრალდებით ლონდონში დააკავეს, მოგვიანებით კი გირაოს სანაცვლოდ გაათავისუფლა. ინფორმაციას ამის შესახებ „უკრაინსკაა პრავდა“ დიდი ბრიტანეთის დანაშაულთან ბრძოლის ეროვნულ სააგენტოზე (NCA) დაყდნობით ავრცელებს.

58 წლის რუსი ბიზნესმენი ლონდონში, საკუთარ რეზიდენციაში პირველ დეკემბერს დააკავეს. მასთან ერთად დააკავეს კიდევ ორი ადამიანი. ყველა მათგანს ბრალი ფულის გათეთრებაში ედება.

NCA-ს მიერ გავრცელებულ განცხადებაში დაკავებულების ვინაობა ნახსენები არაა, თუმცა „უკრაინსკაია პრავდა“ საკუთარ წყაროებზე დაყრდნობით აცხადებს, რომ 58 წლის მილიარდერი მიხაილ ფრიდმანია, რომელიც აქტივებს საქართველოშიც ფლობს.

უკრაინაში რუსეთის შეჭრის შემდეგ ევროკავშირმა Alfa Group-ის მფლობელ რუს ბიზნესმენს მიხაილ ფრიდმანს ბანკის სხვა მფლობელებთან ერთად სანქციები დაუწესა.