ამერიკის ეროვნული დაზვერვის დირექტორის ავრილ ჰეინსის თქმით, ზამთრის პერიოდში უკრაინაში საბრძოლო მოქმედებების ტემპი შენელდება, თუმცა ეს არ ნიშნავს უკრაინის ძალების მხრიდან ბრძოლის სურვილის შემცირებას. „ჩვენ უკვე ვხედავთ კონფლიქტის ტემპის ერთგვარ შენელებას. და ველით, რომ ეს, სავარაუდოდ, იქნება ის, რასაც უახლოეს თვეებში ვნახავთ“, - განაცხადა ჰეინსმა.

მისივე თქმით, უკრაინელი და რუსი ჯარისკაცები შეეცდებიან თავიანთი მარაგების განახლებასა და შევსებას ზამთრის შემდეგ კონრშეტევებისთვის მოსამზადებლად. „რეალურად, ჩვენ გვაქვს საკმაო სკეპტიციზმი იმასთან დაკავშირებით, იქნებიან თუ არა რუსები რეალურად ამისთვის მზად, ვფიქრობ, რომ {პროგნოზთან} უკრაინელების მიმართ  უფრო ოპტიმისტურია“, - განაცხადა ჰეინსმა.

ჰეინსის თქმით, რუსეთმა ძალიან სწრაფად ამოწურა თავისი სამხედრო რესურსები, რაც საკმაოდ უჩვეულოა. მისივე თქმით, მათ დამოუკიდებლად არ შეუძლიათ აწარმოონ ის, რასაც ამ ეტაპზე ხარჯავენ.