გერმანიამ სახელმწიფო გადატრიალების მოწყობის ბრალდებით, 25 პირი დააკავა - ამის შესახებ ინფორმაციას BBC ავრცელებს. 

გერმანული წყაროები ამბობენ, რომ ულტრამემარჯვენე და ყოფილი სამხედროების ჯგუფი გეგმავდა პარლამენტის - რაიხსტაგის შენობაში შეჭრას და ძალაუფლების ხელში ჩაგდებას.

სახელდება სავარაუდო ლიდერი, რომელიც 71 წლის კაცია. როგორც ამბობენ, შეთქმულთა შორის არიან ექსტრემისტული მოძრაობის Reichsbürger [რაიხის მოქალაქეები] წევრები, რომლებსაც დიდი ხანია გერმანიის პოლიცია აკვირდებოდა ძალადობრივი თავდასხმებისა და რასისტული შეთქმულების თეორიების გამო.

ისინი, ასევე, უარს ამბობენ თანამედროვე გერმანული სახელმწიფოს აღიარებაზე. ამასთან, არსებული ინფორმაციით,პირებს, რომლებიც გეგმავდნენ რესპუბლიკის დამხობას, სურდათ მისი შეცვლა 1871 წლის გერმანიის მოდელით - იმპერიით, რომელსაც მეორე რაიხი ერქვა.