უკრაინაში დაღუპული ქართველი მებრძოლი ჯამბულათ ხოფერია სამშობლოში გადმოასვენეს
უკრაინაში დაღუპული ქართველი გმირი, ჯამბულათ (ჯაბა) ხოფერია სამშობლოში ჩამოასვენეს. თბილისის საერთაშორისო აეროპორტში მის დასახვედრად სამოქალაქო აქტივისტები, პოლიტიკური პარტიების წევრები და საზოგადოება შეიკრიბნენ.
ჯამბულათ ხოფერიას გურიაში, ლანჩხუთის რაიონის სოფელ გვიმბალაურში დღესვე გადაასვენებენ.
ჯამბულათ (ჯაბა) ხოფერია უკრაინაში დაღუპული 27-ე ქართველი მებრძოლია.
25 წლის ჯაბა უკრაინაში ომის დაწყების პირველივე დღეებიდან იბრძოდა, ერთ-ერთი დაბომბვისას, ის ქიმიური ნივთიერებით მოიწამლა, გაიარა სათანადო მკურნალობის კურსიც, მაგრამ ეს უშედეგო აღმოჩნდა. ქართველი მებრძოლი 1 დეკემბერს დაიღუპა.
