სლოვაკეთი მზად არის უკრაინას მიგ-29 ტიპის ავიაგამანადგურებლები გადასცეს. ამ პროცედურებისთვის სამზადისი კი უახლოეს კვირებში დაიწყება.

ამის შესახებ სლოვაკეთის საგარეო საქმეთა მინისტრმა რატისლავ კაჩერმა უკრაინულ მედიასთან ინტერვიუში განაცხადა.

„ჩვენ ჯერ კიდევ არ გადმოგვიცია თქვენთვის მიგ-29, მაგრამ ზად ვართ ამისთვის. ჩვენ მოლაპარაკებები გვაქვს ჩვენს ნატოელ მოკავშირეებთან, როგორ გავაკეთოთ ეს“, - აღნიშნა მან.

მინისტრის თქმით, აღნიშნულის შესახებ სხვა საკითხებთან ერთად, საუბარი იყო უკრაინის პრეზიდენტ ვოლოდიმირ ზელენსკისთან ბოლო შეხვედრაზე.

 „ჩვენი ქვეყნის თავდაცვის მინისტრმა თქვენს პრეზიდენტს განუმარტა, ეს როგორ შეიძლება გაკეთდეს. ვფიქრობ, უახლოეს კვირებში სლოვაკეთში ჩამოვა უკრაინის დელეგაცია და ამერიკელ მეგობრებთან ერთად ვიმუშავებთ იმაზე, რომ ეს რეალობად იქცეს... მე ძალიან ოპტიმისტურად ვარ განწყობილი ამასთან დაკავშირებით, ვფიქრობ, ეს მალე მოხდება და თვითმფრინავები უკრაინაში იქნება“, - განაცხადა რატისლავ კაჩერმა.