მორიგი ვანდალური ფაქტი გმირთა მოედნის მიწისქვეშა გადასასვლელში
გმირთა მოედნის მიწისქვეშა გადასასვლელში უცნობმა პირებმა ახლადდამონტაჟებული სანათები და ელექტროსადენები დააზიანეს. თბილისის მერიის შ.პ.ს „უძრავი ქონება-თბილისის’’ მონიტორინგის ჯგუფის მიერ, გმირთა მოედნის ახლადგარემონტებულ მიწისქვეშა გადასასვლელში მსგავსი შემთხვევა, 23 იანვრიდან დღემდე, უკვე მე-4-ედ დაფიქსირდა.
მონიტორინგის ჯგუფმა ადგილზე საპატრულო პოლიცია გამოიძახა და საქმე საბურთალოს რაიონულ განყოფილებაშია აღძრული. რაც შეეხება დედაქალაქის მასშტაბით არსებულ სხვა მიწისქვეშა გადასასვლელებს, ინფრასტრუქტურის დაზიანების ფაქტები, სხვა ლოკაციებზეცაა დაფიქსირებული.
თბილისის მერია მოუწოდებს მოქალაქეებს, გამოიჩინონ სამოქალაქო პასუხისმგებლობა, გაუფრთხილდნენ და არ დააზიანონ დედაქალაქის ინფრასტრუქტურა.
