ფეხბურთის საერთაშორისო ფედერაციამ არ დააკმაყოფილა უკრაინის პრეზიდენტის, ვოლოდიმირ ზელენსკის თხოვნა ფეხბურთის მსოფლიო ჩემპიონატის ფინალურ შეხვედრაზე სიტყვით გამოსვლის შესახებ. ამის შესახებ CNN -ზე დაყრდნობით უკრაინული მედია იუწყება.

ვოლოდიმირ ზელენსკის 18 დეკემბერს მსოფლიო ჩემპიონატის ფინალურ მატჩზე სიტყვით გამოსვლა სურდა. როგორც მედია იუწყება, უკრაინის პრეზიდენტის ოფისი ფეხბურთის საერთაშორისო ფედერაციის უარყოფითი პასუხით გაოცებულია. "ჩვენ ვფიქრობდით, რომ ფიფას სურვილი ექნებოდა თავისი პლატფორმა დიდი სიკეთისთვის გამოყენებულიყო," - ამბობენ პრეზიდენტის ოფისში.

ამასთან, უკრაინული მედია წყაროზე დაყრდნობით წერს, რომ ამ საკითხთან დაკავშირებით უკრაინასა და ფეხბურთის საერთაშორისო ფედერაციას შორის მოლაპარაკებები გრძელდება.