ოკუპანტებმა უკრაინის წინააღმდეგ 74 რაკეტა ისროლეს, 60 საჰაერო თავდაცვამ ჩამოაგდო - უკრაინის გენშტაბი
უკრაინის შეიარაღებული ძალების გენშტაბში აცხადებენ, რომ 16 დეკემბერს, ოკუპანტებმა 74 რაკეტა ისროლეს, მათ შორის 60 - საჰაერო თავდაცვამ ჩამოაგდო.
„დილით, მტერმა მასირებული სარაკეტო დარტყმები მიაყენა ჩვენი ქვეყნის სამოქალაქო ინფრასტრუქტურას, დაზუსტებული მონაცემებით, რუსმა ოკუპანტებმა ისროლეს 70 ფრთოსანი და 4 საავაციო რაკეტა. 60 ფრთოსანი რაკეტა ჩვენმა საჰაერო თავდაცვის ძალებმა ჩამოაგდეს“, - ნათქვამია ინფორმაციაში.
რუსეთის სარაკეტო იერიშის შედეგად დაზიანდა ენერგეტიკული ინფრასტრუქტურის რამდენიმე ობიექტი და საცხოვრებელი სახლები ჟიტომირის, კიევის, ხარკივის, დნიპროპეტროვსკისა და ზაპოროჟიეს ოლქებში.
