რუსეთი ცალკეული ქვედანაყოფების გადაჯგუფებას ახორციელებს და თავისი არმიის ნაწილები ხერსონის ოლქის ქალაქებიდან - კახოვკიდან და ნოვა კახოვკიდან გაჰყავს. ინფორმაციას უკრაინის შეიარაღებული ძალების გენშტაბი ავრცელებს.

 „მოწინააღმდგე ახორციელებს ცალკეული ქვადანაყოფების გადაჯგუფებას და თავისი ჯარის ნაწილები გაჰყავს ხერსონის ოლქის კახოვკიდან და ნოვა კახოვკიდან ნიჟნი სიროგოზის დასახლებული პუნქტის რაიონში.

ადგილობრივ მოსახლეობას შორის სამხედროები ავრცელებენ ინფორმაციას, რომ კახოვკას რუსი ჯარისკაცები წლის ბოლომდე დატოვებენ, ამიტომ ოკუპანტების მიმართ ლოიალურად განწყობილ პირებს სთვაზობენ დროებით გადავიდნენ ანექსირებულ ყირიმში“, - ნათქვამია ინფორმაციაში.

ამის გარდა, შტაბის ინფორმაციით, ლუჰანსკის ოლქში ოკუპანტები განაგრძობენ ზეწოლას ადგილობრივ მეწარმეებზე და აიძულებენ ბიზნესი რუსეთის ფედერაციის კანონმდებლობით დაარეგისტრირონ.