ირანში ცნობილი მსახიობი დააკავეს, რომელიც ანტისამთავრობო დემონსტრანტებს მხარდაჭერას უცხადებდა. BBC-ის ინფორმაციით, მას ბრალად „სიცრუის გავრცელება“ წარუდგინეს.

38 წლის თარანე ალიდოსტი საპროტესტო აქციების ხისტი გზებით ჩახშობის გამო ირანის მთავრობას ღიად აკრიტიკებდა. მან ინსტაგრამში გაავრცელა ფოტოები, რომელზეც ის ხიჯაბის გარეშეა. მან ასევე დაგმო დემონსტრაციების მონაწილეთა სიკვდილით დასჯი ფაქტებიც.

როგორც ირანის ხელისუფლებაში აცხადებენ, მსახიობმა მის მიერ სოციალური ქსელებით გავრცელებულ პოსტებში წარმოდგენილი ინფორმაცია მტკიცებულებებით ვერ დაადასტურა.

შეგახსენებთ, რომ ირანში ანტისამთავრობო საპროტესტო აქციები სექტემბრიდან გრძელდება.

მოსახლეობის პროტესტი 22 წლის მაჰსა ამინის გარდაცვალებას მოჰყვა, რომელიც „მორალის პოლიციამ“ 13 სექტემბერს ჰიჯაბის არასწორი გამოყენების გამო დააკავა. დაკავების შემდეგ გოგონა კომაში ჩავარდა. იმავე დღეს ის საავადმყოფოში გადაიყვანეს, სადაც ორი დღის შემდეგ შინაგანი დაზიანებების შედეგად გარდაიცვალა.

პროტესტი 17 სექტემბერს ქურთების ქალაქ საკეზში ქალის დაკრძალვაზე დაიწყო.

მედიის ცნობით, დაღუპულია 400-ზე მეტი ადამიანი, 1 800 კი დააკავეს. მათ ნაწილს სიკვდილი აქვს მისჯილი