ის, რაც ახლა უკრაინაში ხდება - ტრაგედიაა, მაგრამ ეს არის არა რუსეთის, არამედ მესამე ქვეყნების პოლიტიკის შედეგი, - ამის შესახებ რუსეთის პრეზიდენტმა ვლადიმირ პუტინმა თავდაცვის სამინისტროს კოლეგიის სხდომაზე განაცხადა.

მისი თქმით, რუსეთს ყოველთვის სურდა გამხდარიყო ცივილიზებული სამყაროს ნაწილი, მაგრამ სტრატეგიულ მტრებს ეს არ სურდათ და საუკუნეების განმავლობაში რუსეთის დანაწევრებას ცდილობდნენ.

მისივე თქმით, უკრაინაში არსებული  ვითარება იმის შედეგია, რომ მოსკოვის გეოპოლიტიკურმა მოწინააღმდეგეებმა გადაწყვიტეს ტვინი გამოერეცხათ პოსტსაბჭოთა რესპუბლიკებისთვის და პირველ რიგში უკრაინისთვის.

 „ჩვენ არ ვართ დამნაშავეები. უკრაინელებს ყოველთვის მოძმე ხალხად მივიჩნევდით და მეახლაც ასე მივიჩნევ“, - განაცხადა პუტინმა.  

მისი თქმით, რუსეთი ყველაფერს აკეთებდა, რომ უკრაინასთან კეთილმეზობლური ურთიერთობები ჰქონოდა, მაგრამ არ გამოვიდა. მისივე თქმით, ახლა რუსეთის წინაარმდეგ ნატო-ს მთელი ბლოკია.

 „კარგად არის ცნობილი, რომ დღეს რუსეთის წინააღმდეგ აქტიურად გამოიყენება ნატო-ს ფაქტობრივად ყველა ძირითადი ქვეყნების სამხედრო პოტენციალი და შესაძლებლობები. ამასთან, ჩვენი ჯარისკაცები, სერჟანტები და ოფიცრები რუსეთისთვის იბრძვიან მამაცურად და მტკიცედ, დამაჯერებლად, ნაბიჯ-ნაბიჯ წყვეტენ დასახულ ამოცანებს“, - განაცხადა პუტინმა.