სააკაშვილი ნელ-ნელა კვდება, საქართველოს ხელისუფლება პრორუსულ კურსს ატარებს, – ამის შესახებ უკრაინის პრეზიდენტის ადმინისტრაციის მრჩეველმა, ალექსეი არესტოვიჩმა მარკ ფეიგინთან ინტერვიუში განაცხადა.

"ის ავად არის, ნელი სიკვდილით კვდება. თუ ის ციხეში მოკვდება, ყველა იტყვის, რომ მათ [საქართველოს ხელისუფლებამ] მოკლეს, ეს შიდაპოლიტიკურ ბრძოლაში უმნიშვნელოვანესი ფაქტორი გახდება –პროვოკაციების, მასობრივი არეულობის, რევოლუციის დონემდე და ა.შ. ასე თუ არ მოხდა, ეს გავლენას არჩევნებზე მაინც მოახდენს". - თქვა არესტოვიჩმა.

არესტოვიჩის თქმით, სააკაშვილის საზღვარგარეთ სამკურნალოდ გადაყვანას ხელს ის უშლის, რომ საქართველოს ხელისუფლებას კრემლის ეშინია.

"ვისი ეშინიათ მათ? პასუხი ძალიან მარტივია: მისი, ვის შიშსაც სომხეთიც მალე შეწყვეტს ან უკვე შეწყვიტა“, – თქვა ალექსეი არესტოვიჩმა.

როგორც არესტოვიჩმა აღნიშნა, რომ იმის მიუხედავად,, რომ საქართველოს ტერიტორიები რუსეთის მიერ ოკუპირებულია და რუსეთმა ქვეყანას უამრავი უბედურება მოუტანა, საქართველოს ხელისუფლება ახლა აბსოლუტურად პრორუსულ კურსს ატარებს.