ვლადიმირ პუტინის გარემოცვა უკრაინაში ფრონტზე არსებული ვითარების შესახებ რუსეთის პრეზიდენტს გამუდმებით დამახინჯებულ ინფორმაციას აწვდის და ცდილობს მას არასასიამოვნო ცნობები არ შეატყობინოს.  

ამის შესახებ გამოცემა The Wall Street Journal იუწყება. მედიასაშუალება რუსეთსა და დასავლეთში მოქმედ და ყოფილ ოფიციალურ პირებსა და დაზვერვის წარმომადგენლებს, ასევე კრემლთან დაახლოებულ პირებს ეყრდნობა.

ჟურნალისტები წყაროებზე დაყრდნობით ამბობენ, რომ რუსეთის პრეზიდენტს უკრაინაში მიმდინარე ომთან დაკავშირებით ძალიან შეზღუდული წარმოდგენა აქვს.

WSJ წერს, რომ ყოველ დილით პუტინი ფრონტიდან წერილობით ანგარიშს იღებს, რომელშიც აქცენტი ყოველთვის წარმატებებზე კეთდება, წარუმატებლობები კი იმალება. ამის გარდა, ასეთი ანგარიშები ზოგჯერ მოძველებულ, რამდენიმე დღის წინანდელ ინფორმაციებს შეიცავს, რადგან ვიდრე აღნიშნული ანგარიშები პუტინამდე მივა, „ეფ-ეს-ბეს“, უშიშროების საბჭოსა და მისი ხემძღვანელის ნიკოლაი პატრუშევის ფილტრს გადის.

როგორც გამოცემა აღნიშნავს, ბოლო დროს პუტინი უფრო მეტად ინტერესდება ომის რეალური სურათით, თუმცა ის კვალვინდებურად გარემოცულია ადმინისტრაციის წარმომადგენლებით, რომლებიც მას არწუმენებენ, რომ რუსეთი ადამიანური და ეკონომიკური დანაკარგების მიუხედავად, გაიმარჯვებს.