საქართველოს ყოფილმა პრეზიდენტმა მიხეილ სააკაშვილმა „უკრაინსკა პრავდასთან“ ინტერვიუში განაცხადა, რომ ახლა, რომ უკრაინაში ყოფილიყო, ვოლოდიმირ ზელენსკის გვერდით იქნებოდა და მას ომში გამარჯვებაში დაეხმარებოდა.

სააკაშვილთან ვრცელი ინტერვიუ დღეს, 30 დეკემბერს გამოქვეყნდება.

შეკითხვა: „უკრაინიდან საქართველოში რომ არ წასულიყავით და 2022 წლის თებერვალში კიევში ყოფილიყავით, რას გააკეთებდით? როგორ ხედავთ თქვენს მონაწილეობას ამ ომში სხვა გარემოებებში?“.

 სააკაშვილი: „უპირველეს ყოვლისა, მე ვიქნებოდი პრეზიდენტ ზელენსკის გვერდით, რომელიც მე ყველაზე გამოჩენილ სახელმწიფო მოღვაწედ მიმაჩნია ჩერჩილის პერიოდის შემდეგ. მასთან შედარებით, რეიგანი და ტეტჩერი ნერვიულად ეწევიან მოშორებით. ამავდროულად, შემოვივლიდი მთელ მსოფლიოს, გამოვიყენებდი ჩემს მრავალრიცხოვან კავშირს უკრაინის დახმარების მობილიზაციისათვის.

მეორეც, ხშირად ჩავიდოდი წინა ხაზზე, დავეხმარებოდი უკრაინელ და ქართველ მებრძოლებს. ცოტა ხნის წინ ქართველმა მებრძოლებმა ჩაწერეს ერთობლივი მიმართვა, მომილოცეს დაბადების დღე. ერთი წამითაც არ მავიწყდება ის, რომ მათგან 35-მა უკვე თავი გაწირა ომში, მათ შორის შვიდმა ბახმუტის ფრონტზე, ბევრი ჩემი უკრაინელი მეგობარი დაიღუპა ან დაიჭრა.

ერთ-ერთი ყველაზე წესიერი და პატიოსანი ადამიანები, რომლებსაც მე ვიცნობიდ, ჩემი თანაშემწე ვოლოდიმირ ჩარვიგა ხერსონთან დაიღუპა. ჩემი ერთადერთი პირადი მცველი და უბრალოდ მეგობარი, მიხაილო ბატურინი, მძიმედ დაიჭრა ბახმუტთან. ასეთ ფასს იხდის უკრაინა და ჩვენ ყველანი. მე თვითონ 100 პროცენტით უკრაინელად მივიჩნევ თავს და ამით ასეთი ამაყი არასდროს ვყოფილვარ“, - განაცხადა სააკაშვილმა.