30 დეკემბერს, ღამით, უკრაინის დედაქალაქის მიმართულებით რუსეთმა 7 კამიკაძე დრონი გაუშვა. კიევის მერის ვიტალი კლიჩკოს განცხადებით, შვიდივე უკრაინის საჰაერო თავდაცვის ძალებმა  ჩამოაგდო.

„ჩვენი საჰაერო თავდაცვის ძალების ინფორმაციით, 7 კამიკაძე დრონი კიევის წინააღმდეგ გაუშვეს, 2 მათგანი დედაქალაქთან ახლოს ჩამოაგდეს, 5 კი კიევის თავზე.

ნამსხვრევებმა გოლოსევის რაიონში ერთი საცხოვრებელი და ერთი არასაცხოვრებელი სახლის ფანჯრები დააზიანა, დაშავებულები არ არიან“, - განაცხდა კლიჩკომ.

ამასთან, კიევის საოლქო სამხედრო ადმინისტრაციის ხელმძღვანელმა ოლექსი კულებამ განაცხადა, რომ ოლქში ასევე ჩამოაგდეს უპილოტო საფრენი აპარატები, თუმცა მათი რაოდენობა არ დაუსახელებია. მის თქმით, მტრის სამიზნე ინფრასტრუქტურის ობიექტები იყო.