უკრაინის თავდაცვის სამინისტროს დაზვერვის სამმართველოს ხელმძღვანელის, კირილო ბუდანოვის განაცხადებით, დარტყმები რუსეთის ტერიტორიაზე სულ უფრო და უფრო ღრმად განხორციელდება.

უკრაინის სამხედრო დაზვერვის ხელმძღვანელმა რუსეთის საჰაერო ბაზებზე თავდასხმებზე პასუხისმგებლობა არ აიღო, თუმცა აღნიშნა, რომ ასეთი თავდასხმები გაგრძელდება.

„ჯერჯერობით ამ კითხვაზე პასუხის გაცემა არ შემიძლია. მხოლოდ ომის დასრულების შემდეგ“, – განაცხადა კირილო ბუდანოვმა.

ბუდანოვმა აღნიშნა, რომ მოხარულია რუსულ ბაზებზე თავდასხმებით. შეკითხვას, იქნება თუ არა კიდევ თავდასხმები, უპასუხა: „ვფიქრობ, დიახ. უფრო და უფრო ღრმად.“

მისივე თქმით, ყირიმი უკრაინის ტერიტორიაა, რის გამოც უკრაინას შეუძლია, გამოიყენოს ნებისმიერი იარაღი, რომელსაც საჭოროდ მიიჩნევს.