უკრაინის პრეზიდენტი ვოლოდიმირ ზელენსკი აცხადებს, რომ რუსეთის ხელისუფლება ყველაფერს იღონებს, რომ ომში სიტუაცია შემოაბრუნოს და დამარცხება გადადოს.

 ამის შესახებ ზელენსკიმ ვიდეომიმართვისას ისაუბრა.

„ახლა სწორედ ის მომენტია, რომ პარტნიორებთან ერთად გავაძლიეროთ ჩვენი თავდაცვა.

ეჭვი არ გვეპარება, რომ რუსეთის ახლანდელი პატრონები გამოიყენებენ ყველას და ყველაფერს,რომ ომში სიტუაცია შემოაბრუნონ და გადადონ დამარცხება. ჩვენ უნდა ჩავშალოთ ეს რუსული სცენარი. ვემზადებით ამისთვის. ტერორისტები უნდა დამარცხდნენ, მათი ახალი შეტევის ნებისმიერი მცდელობა უნდა ჩავარდეს. ეს იქნება ტერორისტული სახელმწიფოს საბოლოო დამარცხება. მადლობას ვუხდი ყველა ჩვენს პარტნიორს, ვისაც ეს ესმის“, -თქვა ზელენსკიმ.