ამერიკის შეერთებულ შტატებში, ბრუკლინში, საქართველოს 42 წლის მოქალაქე მოკლეს. ინორმაციას ამერიკული მედია ავრცელებს. გავრცელებული ცნობით, ლევან გალდავა, მეგობარი ქალის ყოფილმა ქმარმა ეჭვიანობის ნიადაგზე მოკლა.

47 წლის დმიტრი ლაპკომ საქართველოს მოქალაქეს, სავარაუდოდ, ჯერ ცეცხლსასროლი იარაღიდან 6-ჯერ ესროლა, შემდეგ კი ცივი იარაღი ჩაარტყა.

მკვლელობა მანქანების ავტოსადგომზე მოხდა. მკვლელობას წინ ქალსა და მის ყოფილ ქმარს შორის სიტყვიერი დაპირისპირება უძღოდა.

ადგილობრივების თქმით, ჯერ ჩხუბის ხმა გაიგეს, შემდეგ კი ქალის, რომელიც 911-ის გამოძახებას ითხოვდა. საქართველოს მოქალაქე კლინიკაში გადაიყვანეს, თუმცა მისი გადარჩენა ვერ შეძლეს.

მედიის ცნობით, თავდამსხმელი პოლიციამ უკვე დააკავა.