ზაპოროჟიეს ოლქში, რუსეთის ძალებმა ცეცხლი გაუხსნა გაეროს მისიას, რომელიც ორეხოვოს ჰუმანიტარულ დახმარებას აწვდიდა. როგორც „უკრინფორმი“ იუწყება, ამის შესახებ ზაპოროჟიეს საოლქო სამხედრო ადმინისტრაციის ხელმძღვანელმა ალექსანდრ სტარუხმა განაცხადა.

„საშობაოდ, ცეცხლის შეწყვეტასთან დაკავშირებით მტრის დაპირების მიუხედავად, გაეროს მისია, რომელიც ორეხოვოს ჰუმანიტარული ტვირთით ამარაგებდა, {ოკუპანტების} ცეცხლის ქვეშ მოექცა. ოკუპანტები აგრძელებენ ომის წესების უგულებელყოფას და ბომბავენ ქალაქებს“, - აღნიშნა სტარუხმა.

მისი თქმით, მტრის მხრიდან საფრთხე ყოველთვის არსებობს, თუმცა უკრაინის შეიარაღებული ძალების გამარჯვებაში ეჭვი არავის ეპარება.

ამასთან, სტარუხი აღნიშნავს, რომ ოკუპირებულ ტერიტორიებზე კვლავ მძიმე ვითარებაა, მტერი უკრაინის მოქალაქეებს აიძულებს კოლობორაციას, მუდმივად ზეწოლას ახდენს მათზე და ხალხს გათავისუფლებულ მიწებზე გადასვლის შესაძლებლობას არ აძლევს.

 „რუსეთი მართლმადიდებელი თალიბანია, რომელსაც წმინდა არაფერი გააჩნია და უგულებელყოფს ადამიანთა თანაარსებობის ყველა წესს“, - განაცხადა სტარუხმა.

უკრაინის გენსტაბის ინფორმაციით, გასულ დღე-ღამეში მტერმა ზაპოროჟირსა და ხერსონის მიმართულებებზე ტანკების, ნაღმტყორცნებისა და რეაქტიული არტილერიის გამოყენებით ცეხცლი გაუხსნა ანტონოვკის, ჩარივნის, დოროჟნიანკის, ბელოგორის, ალექსეევკისა და სხვა დასახლებებს.