გერმანიაში ტერორისტული თავდასხმის მომზადებაში ეჭვმიტანილი ირანელი დააკავეს
გერმანიაში ირანელი კაცი დააკავეს, რომელიც ტერორისტული თავდასხმის მომზადებაშია ეჭვმიტანილი. ინფორმაციას BBC ავრცელებს.
32 წლის კაცი, რომელსაც ირანის მოქალაქეობა აქვს რაინ-ვესტფალიის მხარეში, კასტროპ-რაუქსელში, აიყვანეს.
მედიის ცნობით, კაცმა, სავარაუდოდ, ციანიდისა და რიცინის დაუზუსტებელი რაოდენობის ტოქსინები ისლამისტური თავდასხმის მოსამზადებლად შეიძინა. პოლიციამ მასალები ეჭვმიტანილის სახლის ჩხრეკისას იპოვა.
ასევე ვრცელდება ინფორმაცია ეჭვმიტანილის ძმის დაკავების შესახებაც.
