უკრაინის შეიარაღებული ძალების აღმოსავლეთ ჯგუფის სპიკერის სერგეი ჩერევატის განცხადებით, გასულ 24 საათში ოუპანტებმა სოლედარს ცეცხლი 106-ჯერ გაუხსნეს. ქალაქში 22 საბრძოლო შეტაკება მოხდა.

„სოლედარში სასტიკი ბრძოლები მიმდინარეობს. ამ მიმართულებაზე მტერმა 24 საათში 106-ჯერ გახსნა ცეცხლი, მოხდა 22 საბრძოლო შეტაკება, გრძელდება უ

უშუალო მოქმედებები, რომ მტერმა წინსვლა ვერ შეძლოს, ჩვენი მხრიდან ხორციელდება სისტემური დარტყმები. გუშინ, {8 იანვარს} სოლედარში მყოფი მეთაურების მიერ გამოიყო დამატებითი ძალები და საშუალებები. სოლედარი მუდმივი კონტროლის ქვეშაა. ვფიქრობ, რომ ერთობლივი ძალებით ვითარების სტაბილიზაციას შევძლებთ“, - განაცხადა ჩერევატიმ.

მისი თქმით, ზამრთის ამინდი შესაძლებლობას მისცემთ გამოიყენებონ მძიმე ტექნიკა - ტანკები, ქვეითთა საბრძოლო მანქანები, ჯავშანტრანსპორტიორები და შესაძლებელი იქნება კონტრშეტევები.

 ამასთან, რუსული მხარე აღნიშნულ მიმართულებაზე წარმატებების შესახებ საუბრობს, უნდა აღინიშნოს ისიც, რომ სოლედარი თითქმის სრულად დანგრეულია.

7 იანვარს სერგეი ჩერევატიმ განაცხადა, რომ სოლედარი არ იმყოფება რუსული ჯარის კონტროლის ქვეშ, მიმდინარეობს სასტიკი ბრძოლები, თუმცა უკრაინის შეიარაღებული ძალები ოკუპანტების შეტევებს წარმატებით იგერიებენ.