"ქართული ოცნების“ წევრი, რატი იონათამიშვილი ეხმიანება საქართველოში უკრაინის საქმეთა დროებითი რწმუნებულის, ანდრეი კასიანოვის სტატიას, სადაც ნათქვამია, რომ უკრაინამ საქართველოს 2008 წლის ომის დროს გადაცემული „ბუკის“ სისტემების დაბრუნება სთხოვა.

როგორც იონათამიშვილი აცხადებს, „ბუკის“ სისტემები 2008 წელს საქართველომ უკრაინისგან შეიძინა.

„საქართველო ახორციელებს ყველანაირ ჰუმანიტარულ დახმარებას, ვაგზავნით ტვირთს, გენერატორებს. ამ მხრივ ჩვენ ვართ ერთ-ერთი ლიდერი, მაგრამ მხარედ საქართველო ამ ომში არ დაფიქსირდება. რაც შეეხება მეორე ნაწილს, 2008 წელს „ბუკი“ საქართველომ შეიძინა უკრაინისგან, ამაში ფულია გადახდილი და ცხადია, ჩვენ არავისგან არაფერი დასამადლებელი არ გვჭირს“,- განაცხადა იონათამიშვილმა.