რუსულმა არმიამ გააძლიერა ზეწოლა ბახმუტზე, მაგრამ ნაკლებად სავარაუდოა, რომ მან უახლოეს ხანებში მოაქციოს ქალაქი, სადავ მძიმე ბრძოლები მიმდინარეობს. ამის შესახებ დიდი ბრიტანეთის დაზვერვის სამხური იუწყება.

მისი ინფორმაციით, ბოლო ოთხი დღის განმავლობაში რუსეთისა და კერძო სამხედრო კომპანია ვაგნერის ძალებმა ტაქტიკური წინსვლა განახორციელეს დონბასის ქალაქ სოლედარში და სავარაუდოდ მის დიდ ნაწილს აკონტროლებენ.

ბრიტანეთის შეფასებით, სოლედარის დაკავება, რომელიც ბახმუტიდან ჩრდილოეთით 10 კმ-ში მდებარეობს, რუსეთის ერთ-ერთ მთავარ სტრატეგიულ მიზანს წარმოადგენს.

"ბახმუტზე მზარდი ზეწოლის მიუხედავად, ნაკლებად სავარაუდოა, რომ რუსეთი მალე ქალაქს ალყაში მოაქცევს, რადგან უკრაინული ძალები მომარაგების არხების კონტროლს და სტაბილური თავდაცვითი ხაზების შენარჩუნებას განაგრძობენ". – იუწყება ბრიტანეთის დაზვერვა.