დონეცკის ოლქის ქალაქ სოლედარში ვითარება კრიტიკულია. CNN -ის ინფორმაციით, დაღუპულთა რაოდენობა იმდენად დიდია, რომ „მათ აღარავინ ითვლის“.

მედიასაშუალება დაუკავშირდა უკრაინის შეიარაღებული ძალების 46-ე აერომობილური ბრიგადის სამხედრო მოსამსახურეს, რომელმაც თქვა, რომ ვითარება მძიმეა.

“სიტუაცია კრიტიკულია, ძმიმეა. ჩვენ ვიბრძვით ბილომდე“, - განაცხადა ჯარისკაცმა.

მან აღწერა დინამიური ბრძოლის ველი, სადაც შენობები ყოველდღიურად ხელიდან ხელში გადადის, ქვედანაყოფები კი დაღუპულთა რიცხვს ვეღარ აკონტროლებენ.

“ვერავინ გეტყვით, რამდენი დაღუპულია და რამდენი დაჭრილი. რადგან არავინ იცის დანამდვილებით.  არცერთმა  ადამიანმა, არც შტაბში, არსად. პოზიციებს ვიღებთ და ვკარგავთ. ის, რაც დღეს ჩვენი სახლი იყო, ხვალ „ვაგნერის“ ხდება. სოლედარში არავინ ითვლის დაღუპულებს“, - განაცხადა სამხედრომ. მისი თქმით, 10 იანვრის მონაცემებით, გაურკვევლი იყო, ქალაქის რომელ ნაწილს იკავებდნენ რუსები.