სოლედარში უკრაინის შეიარაღებული ძალების უკანდახევის ნიშნები არ ჩანს - CNN
ტელეკომპანია CNN-ის გადამღები ჯგუფი იუწყება, რომ ქალაქ სოლედარის შემოგარენში უწყვეტი საარტილერიო ცეცხლია.
„ჩვენ ვიმყოფებით დაახლოებით შვიდ კილომეტრში საბრძოლო მოქმედებების ეპიცენტრიდან. ისმის არტილერიის ხმა ქალაქის მიმართულებით“, - ამბობს კორესპონდენტი ბენ უედმენი.
ამასთან, ჟურნალისტების თქმით, უკრაინის შეიარაღებული ძალების ჯარისკაცები აგრძელებენ მუშაობას იარაღისა და ლოჯისტიკის უზრუნველყოფისთვის და არ აჩვენებენ გარდაუვალი გაყვანისთვის მზადების რაიმე ნიშანს.
აღნიშნული ინფორმაცია უარყოფს რუსული მხარის ცნობებს სოლედარში არსებული ვითარების შესახებ.
11 იანვარს, დაჯგუფება“ვაგნერის“ დამფუძნებელმა ევგენი პრიგოჟინმა განაცხადა, რომ სლედარის მთელ ტერიტორიაზე კონტროლი დაამყარეს და რომ ბრძოლები მხოლოდ ქალაქის ცენტრში მიმდინარეობს.
რუსულმა მედიამ გაავრცელა ფოტოები, რომლებზეც ჩანს პრიგოჟინი და კიდევ რამდენიმე ვაგნერელი სოლედარის ერთ-ერთ მაღაროსთან.
უკრაინის გენშტაბი აცხადებს, რომ ფოტო გადაღებულია სხვა ადგილზე და სოლედარზე რუსეთს სრული კონტროლი არ დაუმყარებია. ამასთან, უკრაინის შეიარაღებული ძალების სარდლობა ამბობს, რომ ქალაქისთვის უსასტიკესი ბრძოლები მიმდინარეობს.
CNN-ის ჟურალისტები ასევე იწუყებიან, რომ ბრძოლის ველზე ჩანს რამდენად დიდია უკრაინისთვის დასავლეთის დახმარება. ეს დახმარება ჩანს ყველგან: სამხედროების მომზადებაში, იარაღის ხარისხში, ასევე ტექნიკურ და სამედიცინო აღჭურვილობაში.
