სენაკში ძლიერი ქარის შედეგად ხე წაიქცა და მიკროავტობუსს დაეცა, დაშავდა სამი მგზავრი
სენაკში ძლიერი ქარის გამო მოგლეჯილი ხე მიკროავტობუსს დაეცა. შემთხვევის შედეგად მიკროავტობუსის სამი მგზავრი დაშავდა.
სამივე დაშავებული გადაყვანილია კლინიკაში. სენაკის მერის ინფორმაციით, დაშავებულების მდგომარეობა სტაბილურია.
სენაკის მუნიციპალიტეტში ქარმა დააზიანა ელექტროსადენები, რის გამოც მოსახლეობას ელექტროენერგია შეზღუდვებით მიეწოდება, წაქცეულია ხეები, რამაც შეაფერხა გზებზე მოძრაობა.
