გერმანიის ვიცე-კანცლერის, რობერ ჰაბეკის განცხადებით, გერმანიამ არ უნდა შეუშალოს ხელი სხვა ქვეყნებს უკრაინისთვის დახმარების გაწევაში.  ამის შესახებ ჰაბეკმა პოლონეთის მიერ უკრაინისადამი „ლეოპარდის“ საბრძოლო ტანკების გადაცემის შესახებ დასმულ კითხვაზე პასუხოდ განაცხადა.

„არის განსხვავება საკუთარ თავთან დაკავშირებით გადაწყვეტილების მიღებასა და სხვების გადაწყვეტილებისთვის ხელის შეშლას შორის. შესაბამისად, გერმანია წინ არ უნდა აღუდგეს, როდესაც სხვა ქვეყნები უკრაინის დასახმარებლად იღებენ გადაწყვეტილებას, იმისგან დამოუკიდებლად, თუ რა გადაწყვეტილებას მიიღებს გერმანია“, – თქვა ჰაბეკმა.

პოლონეთის პრეზიდენტმა ანჯეი დუდამ ლვოვში ვიზიტის დროს განაცხადა, რომ კიევი ვარშავისგან Leopard 2-ის ტიპის ტანკებს მიიღებს.

დუდას თქმით, პოლონეთმა აღნიშნული გადაწყვეტილება {საუბარია 14 ტანკის გადაცემაზე} მიიღო „საერთაშორისო კოალიციის ფარგლებში“.