უკრაინა, როგორც ქვეყანა და უკრაინის შეიარაღებული ძალები უკვე გახდნენ ნატო-ს წევრები. დე ფაქტო, თუმცა არა დე იურე, - ამის შესახებ უკრაინის თავდაცვის მინისტრმა ოლექსეი რეზნიკოვმა BBC-თან ინტერვიუში განაცხადა.

„უკრაინა, როგორც ქვეყანა და უკრაინის შეიარაღებული ძალები უკვე გახდნენ ნატო-ს წევრები. დე ფაქტო, თუმცა არა დე იურე, რადგან ჩვენ გვაქვს იარაღი, ცოდნა და ვიცით, როგორ გამოვიყენოთ. დარწმუნებული ვარ, უახლოეს მომავალში ჩვენ ნატო-ს წევრები დე იურე გავხდებით“, – განაცხადა უკრაინის თავდაცვის მინისტრმა.

რეზნიკოვის აზრით, მისი განცხადება რუსეთსა და ნატო-ში, არაერთმნისვნელოვნად არ იქნება აღქმული, რადგან ჩრდილოატლანტიკურ ალიანსში აცხადებენ, რომ ომის მონაწილეები არ არიან.

რეზნიკოვმა ასევე განაცხადა, რომ დარწმუნებულია, უკრაინა დასავლეთისგან მიიღებს ტანკებს, საბრძოლო თვითმფრინავებს და შორ მანძილზე სასროლ რაკეტებს. მისივე თქმით, ზოგიერთმა დასავლურმა ქვეყანამ უკვე დაიწყო დამოკიდებულების შეცვლა კიევისთვის იარაღის მიწოდების საკითხის მიმართ.