ელვის პრესლის ერთადერთი ქალიშვილი, მომღერალი და კომპოზიტორი ლიზა მერი პრესლი 54 წლის ასაკში გარდაიცვალა. ინფორმაციას ელვისის ქვრივი პრისცილა პრესლი ადასტურებს.

"გულის ტკივილით უნდა გაგიზიაროთ ჩემი მშვენიერი ქალიშვილის გარდაცვალების ამბავი. ის იყო ყველაზე ვნებიანი, ძლიერი და მოსიყვარულე ქალი ჩემს ნაცნობებს შორის". – განაცხადა პრისცილა პრესლიმ.

მედიის ცნობით, ელვის პრესლის ქალიშვილი კალიფორნიაში, თავის სახლში უგონო მდგმარეობაში ნახეს. გავრცელებული ცნობით, ლიზა მერის გული გაუჩერდა.

ლიზა მერი პრესლი 1968 წელს, მემფისში დაიბადა. ის ელვის პრესლის გარდაცვალების შემდეგ, ცხრა წლის ასაკში მამის ქონების ერთადერთი მემკვიდრე გახდა.

ლიზა მერი პრესლიმ პირველი მუსიკალური ალბომი 2003 წელს გამოუშვა. სულ კომპოზიტორსა და მომღერალს 3 ალბომი აქვს გამოცემული. წლების განმავლობაში მეგობრობდა მაიკლ ჯექსონთან, მოგვიანებით წყვილი დაქორწინდა, ჯექსონისა და პრესლის ოჯახურმა ურთიერთობამ მხოლოდ 2 წელს გასტანა.