უკრაინის თავდაცვის მინისტრის მოადგილის, ანა მალიარის გაცხადებით, სოლედარში "ცხელი ღამე" იყო, თუმცა ქალაქს უკრაინის შეიარაღებული ძალები აკონტროლებს.

მალიარის თქმით, მტერმა საკუთარი ძირითადი ძალები დონეცკის ოლქის მიმართულებით გადაისროლა, უკრაინელი მებრძოლები კი მამაცურად ცდილობენ ქალაქის დაცვას.

"ჩვენი მებრძოლები მამაცურად ცდილობენ ქალაქი დაცვას. ეს ომის რთული ეტაპია, მაგრამ ჩვენ გავიმარჯვებთ. ეჭვგარეშეა". - თქვა მან.

ამერიკის ომის შემსწავლელი ინსტიტუტი (ISW) მორიგ ანგარიშში პირველად აცხადებს, რომ „რუსეთის ძალები სოლედარის ტერიტორიის სრულ თუ არა, უმეტეს ნაწილს აკონტროლებს და მათ, სავარაუდოდ, ქალაქის დასავლეთ შემოგარენიდან უკრაინის ძალების განდევნა შეძლეს“.

ამასთან, ინსტიტუტი აღნიშვს, რომ უკრაინულ უწყებებსა წინა დღეებისგან განსხვავებით, 12 იანვარს განცხადება არ გაუვრცელებიათ სოლედარში შეტევების მოგერიებაზე. მათივე შეფასებით, ოკუპანტების მიერ სოლედარის დიდი ნაწილის შესაძლო კონტროლი ოპერატიულად მნიშვნელოვანი არ არის და არ ნიშნავს, რომ ისინი ბახმუტს ალყაში გარდაუვლად მოაქცევენ.