დნიპროში რუსეთის მიერ საცხოვრებელი კორპუსის დაბომბვის შედეგად დაღუპულთა რიცხვი 20-მდე გაიზარდა
დნიპროში რუსეთის ავიაციის მიერ საცხოვრებელი კორპუსის დაბომბვის შედეგად დაღუპულთა რიცხვი 20-მდე გაიზარდა, მათ შორის ერთი ბავშვია. დაშავდა 73 ადამიანი, მათ შორის 14 ბავშვი.
საგანგებო სიტუაციების მართვის სამსახურის თანამშრომლებმა დანგრეული მაღალსართულიანი შენობიდან 38 ადამიანი გამოიყვანეს, მათ შორის ექვსი ბავშვი.
ადგილზე სამძებრო-სამაშველო ოპერაცია გრძელდება.
