დიდი ბრიტანეთის დაზვერვის მორიგ ანგარიშში ნათქვამია, რომ უკრაინის შეიარაღებული ძალები სოლედარში და ბახმუტის ჩრდილოეთით პოზიციებს თითქმის ინარჩუნებენ.

 ანგარიშის თანახმად, ბახმუტისა და კრემენას მიმარულებით სასტიკი ბრძოლები ისევ გრძელდება. 15 იანვრის მონაცემებით, უკრაინის შეიარაღებულმა ძალებმა სავარაუდოდ, თითქმის შეინარჩუნეს პოზიციები სოლედარში დაჯგუფება „ვაგნერის“ იერიშების ფონზე.

"კრემინას გარშემო ბრძოლები ადგილობრივი თავდასხმებისა და კონტრშეტევების კომპლექსური სერიით ხასიათდება. თუმცა, საბოლოო ჯამში, უკრაინის შეიარაღებული ძალები ფრონტის ხაზის აღმოსავლეთით, ქალაქ კრემინას გარეუბნამდე წინსვლას აგრძელებენ". – წერს ბრიტანეთის დაზვერვა. 

დაზვერვის ანგარიშში აღნიშნულია, რომ ბოლო 6 კვირაში რუსეთმა და უკრაინამ მძიმე ბრძოლების შედეგად სხვადასხვა სექტორში შეზღუდულ წარმატებებს მიაღწიეს. ამ გარემოებებში ორივე მხარისთვის საკვანძო ამოცანად რჩება ბრძოლისუნარიანი ქვედანაყოფების შექმნა, რომლებიც მანამდე არ გამოუყენებიათ და რომლებიც შეძლებენ ოპერატიული გარღვევის შექმნისთვის ტაქტიკური წარმატებების გამოყენებას.

რუსეთი ამტკიცებს, რონ სოლედარი ჯერ კიდევ 13 იანვარს დაიკავეს, თუმცა ამას უკრაინა არ ადასტურებს.