მიხეილ სააკაშვილს რამდენიმე ოპერაცია სჭირდება და თუ დროულად არ ჩატარდა, მოძრაობას ვერ შეძლებს - ექიმი ჯეიმს კობი
თბილისის საქალაქო სასამართლოში ექსპრეზიდენტ მიხეილ სააკაშვილისთვის მისი ჯანმრთელობის მდგომარეობის გამო, მისთვის სასჯელის გადავადების ან მისგან სრულად გათავისუფლების შესახებ სასამართლო პროცესი მიმდინარეობს, სადაც ამერიკელ ექიმს, ჯეიმს კობის კითხავენ.
"მას აქვს სერიოზული პრობლემა და მე ვფიქრობ, რომ კისრის პრობლემა და მარცხენა მხრის სახსრის პრობლემა არის ყველაზე სერიოზული და მტკივნეული.
მას სჭირდება ქირურგიული ოპერაცია კისერზე, ასევე ქირურგიული ოპერაცია მარცხენა მხრის სახსარზე, ასევე სავარაუდო ქირურგიული ოპერაცია მარცხენა მენჯ-ბარძაყის სახსარზე.
თუ ეს ოპერაციები დროულად არ ჩატარდა, რამდენადაც მას მოძრობა აქვს მკვეთრად გართულებული, ეს კიდევ უფრო გართულდება და ის პრაქტიკულად მოძრაობას ვერ შეძლებს." ამბობს ჯეიმს კობი.
მისი თქმით, დაავადებები ხელს უშლის სააკაშვი;ს სასჯელის მოხდაში.
"ეს ასეა იმიტომ, რომ ის ყოველდღიურად განიცდის ძლიერ ტკივილს კისრის მიდამოში, სადაც ხდება სპინალურ ნერვზე ზეწოლა და შესაბამისად ის უფროდა უფრო სუსტდება." ამბობს ჯემის კობი.
