უკრაინის პრეზიდენტი ვოლოდიმირ ზელენკი ბოლომდე დარწმუნებული არ არის, რომ ვლადიმირ პუტინი ცოცხალია.

ამის შესახებ ზელენსკიმ დავოსში, მსოფლიო ეკონომიკურ ფორუმზე ვიდეოჩართვისას განაცხადა.

"დღეს ბოლომდე არ მესმის, ვის უნდა ველაპარაკოთ და რაზე. არ ვარ დარწმუნებული, რომ რუსეთის ის პრეზიდენტი, რომელიც ზოგჯერ ჩნდება მწვანე ფონზე, ნამდვილად ის არის. მე ბოლომდე არ მესმის, რომ ის ცოცხალია, გადაწყვეტილებებს ის იღებს, ან საერთოდ ვინ იღებს იქ გადაწყვეტილებებს. რომელ პირთა წრე? მე არ მაქვს ასეთი ინფორმაცია. ბოლომდე არ მესმის, როგორ შეიძლება, ევროპელ ლიდერებს დაჰპირდე ერთს, მეორე დღეს კი სახელმწიფოში ფართომასშტაბიანი ინტერვენცია დაიწყო. უბრალოდ, ბოლომდე ვერ ვიგებ ვისთან გვაქვს საქმე. როდესაც ვამბობთ "მშვიდობიანი მოლაპარაკებები" – ბოლომდე არ მესმის ვისთან. როდესაც მე თქვენთან ვურთიერთობ – თქვენ ზუსტად იცით ვინ ვარ მე და მეც ზუსტად ვიცი ვინ ხართ თქვენ. ჩვენი ცხოვრების მოწმეები არსებობენ. მაშინაც კი, როდესაც სხვადასხვა საკითხებზე ვსაუბრობთ, კონსესუსის მიღწევა შეგვიძლია. ვფიქრობ, რომ რუსეთმა თავდაპირველად "ვინმე" უნდა იპოვეს და შემდეგ შემოგვთავაზოს "რაიმე", - განაცხადა ზელენსკიმ.