უკრაინის შეიარაღებული ძალების გენშტაბის ინფორმაციით, რუსეთის ძალებმა სარაკეტო იერიში მიიტანეს ზაპოროჟიეს რეგიონის კრიტიკული ინფრასტრუქტურის წინააღმდეგ.

„დღის განმავლობაში მოწინააღმდეგემ 5 საავიაციო დარტყმა მიაყენა თავდაცვის ძალებს და სარაკეტო დარტყმა კრიტიკულ ინფრასქტურას ზაპოროჟიეს ოლქში. განახორციელეს 20-ზე მეტი შეტევა ზალპური ცეცხლის რეაქტიული სისტემებიდან“,- ნათქვამია გენშტაბის ინფორმაციაში.

გენშტაბის ცნობით, მტრის ძირითადი ძალისხმევა მიმართულია ბახმუტის მიმართულებაზე, აწარმოებს წარუმატებელ შეტევით მოქმედებებს ზაპოროჟიეს, ავდეევკისა და ლიმანის მიმართულებებზე, კუპიანსკის, ნოვოპავლოვისა და ხერსონის მიმართულებებზე კი თავდაცვით ბრძოლებს ახორციელებს.