ივანიშვილის პარტია ცრუ ბრალდებებს უყენებს CNN-ს, დროა, დასავლეთი გაერთიანდეს საქართველოს დემოკრატიის მხარდასაჭერად - გახარია
ივანიშვილის ანტიდასავლური პროპაგანდის ფარგლებში, მისი პარტია ცრუ ბრალდებებს უყენებს CNN-ს, - ამის შესახებ პარტია "საქართველოსთვის" ლიდერი გიორგი გახარია Twitter-ში წერს.
მისი თქმით, დასავლეთი გაერთიანდეს საქართველოს დემოკრატიის მხარდასაჭერად.
"ივანიშვილის ანტიდასავლური პროპაგანდის ფარგლებში, მისი პარტია ცრუ ბრალდებებს უყენებს CNN-სა და კრისტიან ამანპურს საქართველოსა და ივანიშვილის წინააღმდეგ შეთქმულებაზე, რუსეთის მიერ სანქციების თავიდან აცილების საქმეში სავარაუდო მონაწილეობის შესახებ შეკითხვის დასმის გამო. დროა, დასავლეთი გაერთიანდეს საქართველოს დემოკრატიის მხარდასაჭერად", - წერს გახარია.
ირაკლი კობახიძემ სტრასბურგში CNN-ის სიუჟეტზე საუბრისას თქვა, რომ "არსებობს გლობალური ინტერესები საქართველოსთან მიმართებით, მათ შორის მეორე ფრონტთან დაკავშირებით".
შეგასენებთ, CNN-ის ჟურნალისტმა ევროკომისიის პრეზიდენტს, ჰკითხა სანქციებისთვის გვერდის ავლაზე და თქვა, რომ ვრცელდება ცნობები, საქართველოს გავლით რუსეთში სანქცირებული პროდუქციის შეტანაზე.
