უკრაინაში რაც ხდება, ეს უკვე არა ჰიბრიდული, არამედ ნამდვილი ომია დასავლეთსა და რუსეთს შორის, - ამის შესახებ რუსეთის საგარეო საქმეთა მინისტრმა სერგეი ლავროვმა განაცხადა.

 „როდესაც ვლაპარაკობთ იმაზე, რაც უკრაიანში ხდება, ვამბობთ, რომ ეს უკვე არა ჰიბრიდული, არამედ ნამდვილი ომია, რომელასაც დასავლეთი დიდხანს ამზადებდა რუსეთის წინააღმდეგ, ცდილობდა ყველაფერი რუსულის განადგურებას - ენიდან დაწყებული კულტურით დამთავრებული, რომელიც უკრაინაში ასწლეულების განმავლობაში გრძელდებოდა და ხალხს მშობლიურ ენაზე ლაპარაკს უკრძალავდა“, - თქვა ლავროვმა პრესკონფერენციაზე.

მისი თქმით, უკრაინის ახლანდელი პრეზიდენტი და მისი წინამორბედი არჩევისთანავე რუსოფობებად გადაიქცნენ.

 „უკრაინის ყოფილი პრეზიდენტი პეტრო პოროშენკოც და ამჟამინდელი ვოლოდმირ ზელენსკიც, რომლებიც მშვიდობის დამყარების ლიზუნგით აირჩიეს, არჩევისთანავე მყისიერად გადაიქცნენ ომის პრეზიდენტებად, რუსოფობ პრეზიდენტებად“, - აღნიშნა ლავროვმა.

მისი თქმით, უკრაინაში არსებობს კანონები, რომლებიც კრძალვს განათლების მიღებას და მედიასაშუალებებს რუსულ ენაზე. „კანონები, რომლებიც რეალურად კრძალავს რუსული ენის გამოყენებას ყოველდღიურ ცხოვრებაში. რუსულ ენასთან დაკავშირებული ნებისმიერი კულტურული კონტაქტი აკრძალულია. და ამ ყველაფერს მხარს უჭერს დასავლეთი. ისევე, როგორც დასავლეთი მხარს უჭერს ნეონაცისტების რეგულარულ მსვლელობას „სვასტიკებით“, დანაყოფების სიმბოლოებით, რომლებიც აკრძალული იყო ნიურნბერგის ტრიბუნალის მიერ. ამ ყველაფერს დასავლეთი უჭერს მხარს“, – თქვა სერგეი ლავროვმა.