უკრაინას ყოველ დღე თავზე აცვივა ბომბები და კლავენ ადამიანებს, შესაბამისად, მათი ემოციური მდგომარეობა აბსოლუტურად განსხვავებულია, – ამის შესახებ „სტრატეგია აღმაშენებლის“ წევრმა, პაატა მანჯგალაძემ განაცხადა.

„ჩვენ შეიძლება, რაღაც ხისტი და არაზუსტი მოგვეჩვენოს, მაგრამ ამის გამო კასიანოვის კრიტიკას არ ვაპირებ. მათი ფსიქოლოგიური მდგომარეობა განსხვავებულია და მათი გაგება გვიჭირს. უკრაინელებს უნდოდათ, რომ მათთვის „ჯაველინი“ და „ბუკი“ მიგვეცა, რაშიც გასაკრიტიკებელი არაფერია. ამ თხოვნაზე ჩვენი პასუხი უნდა ყოფილიყო – არა, მეგობარო, ამის მოცემა არ შეგვიძლია, რადგან საქართველოსაც უდგას თავდაცვის ამოცანები. ჩვენი პასუხი არ უნდა ყოფილიყო – ომში ჩართვა გინდა, საქართველოს აოხრება და განადგურება“, – განაცხადა მანჯგალაძემ.